• Мин сезнең кызыгызга өйләнергә телим!
• Ә син минем хатын белән сөйләштеңме соң әле?
• Сөйләштем, тик кызыгыз миңа күбрәк ошый.

***

• Көне буена иремә бертуктамый нидер сөйлим, ә ул ник бер сүз дәшсен?! Әллә чирле микән, профессор?
• Бу чир түгел, бу — талант!!!

***

—    Сөеклем, телисеңме мин сиңа айны да, күктәге бөтен йолдызларны    бүләк  итәм!

—   Акчаң бер дә юк мени соң, бәгърем?

***

• Менә элек, Япониядә, картларны тауга менгезеп, шунда үлергә калдыра торган булганнар.
• Иптәш Премьер-министр, пенсия буенча тагын нинди тәкъдимегез бар?

***

• Мин ябыгам
• Күптәнме?
• Ярты сәгать уже.
• Сизелә.
• Чынлапмы?
• Әйе, күзләрең ач.

***

• Мәскәүләр яхшы яшиләр, чөнки күп эшлиләр, ди.
• Алар яхшы яшәсен өчен бөтен ил күп эшли.

***

Узып баручы балыкчыдан сорый:

• Тоттыгызмы?
• Тоттым да, елгага ыргыттым.
• Бик бәләкәй булгандыр инде.
• Сезнең хәтле бар иде, шундый ук бәйләнчек…

***

• Ник күзләрең кызыл?
• Кичә койма ярыгыннан карап тора идем, күзгә төрттеләр. Хәзер икесе дә авырта.
• Икенчесе ник авырта?
• Кем төрткәнен карамакчы идем.

***

Пенсия яшен арттыргач

• Хөппиҗамал, кая барасың?
• Эшкә, күрше.
• Кая эшлисең соң?
• Эшләгәнемне хәтерлим анысы, ә менә кайда эшләгәнемне оныттым….