Иншадан өзекләр
* Габделҗаббар Кандалый Дәрдмәндне бик яраткан. Шуңа күрә ул аны караваты өстенә элеп куйган.
* Абдулла Алиш авылда яшәгән әбисендә туган. Ә аның әти-әнисе Казанда торган.
* Галиябануның күңеле мәхәббәт белән тулы иде. Бу мәхәббәтне ул кемгә багышларга да белмәде…
* Әлмәндар карт белән мин балалар бакчасына йөргәндә үк таныштым.
* Тукай халык язучысы булып китәргә курыкмаган.
***
Мин алмадым
Тарих дәресе бара.
Укытучы Вәлине тактага чакыра
— Вәли, әйт әле, Берлинны кем алды?
— Апа мин алмадым!!!
Укытучы, йөрәген тотып, урындыкка утыра:
-Бар, кайт, иртәгә атаң белән кил.
Икенче көнне Вәли атасы белән килә:
-Менә малаегыздан Берлинны кем алды дип сорадым да, “Апа мин алмадым” дип җавап бирде, — ди укытучы әти кешегә.
— Дөрес, аның беркайчан да кеше әйберен алганы юк, — дип җаваплый әтисе.
Кем окоп казымый?
Хәрби өйрәнүләрдә.
— Хәбибуллин, син яхшы күрәсеңме?
— Бик шәп, иптәш полковник!
— Әнә урман буенда солдатлар окоп казый. Күрәсеңме?
— Әйе, казыйлар, 10 солдат һәм бер прапорщик.
— Ә син прапорщикны ничек таныдың?
— Ә ул казымый ич…
***
Кечкенә Фаил бик начар укый: көн саен я икеле, я өчле генә алыйп кайта.
Әнисе, улын оялтмакчы булып:
— Әнә күр: Фәнис гел бишлегә генә укый. Аннан үрнәк ал! – дип тора икән.
Беркөн Фаил мәктәптән бик шатланып, авызын ерып кайткан.
Әнисе, гаҗәпләнеп:
— И, улым, күреп торам: бүген бишле алдың, шулай бит?
— Юк, әни, Фәнис икеле алды! – дигән малай.
***
Автомобиль дөньяга яңа чыккан заманда бер авыл кешесе калага барып автомобиль күреп кайта. Авылга кайтып җитүе белән аны бөтен халык сырып ала да сораштыра башлый: нәрсә ул автомобиль, аның кыяфәте нинди, нәрсә ашый h.б., h.б. Шулай итеп, ул авылдашларына ике сәгать буе автомобиль турында сөйләп, явып кына торган сорауларга җавап бирергә мәҗбүр була. Ниhаять, сораулар беткәч, арган телен көчкә кыймылдатып, сорый икән:
— Я, инде аңлашылдымы?
Беркем дә дәшми, тик бер бабай гына тавыш бирә икән:
— Аңлашылды, аңлашылды, балам, маладис, барысын җиренә җиткереп сөйләп бирдең. Тик син шунысын гына әйт әле: ул автомобиль дигәннәренә атны кайсы яктан җигәләр соң?
***
–Нишләп синең кулларың пычракка баткан, ә ике бармагың чип-чиста?
–Мин сызгырырга өйрәндем.
