Сайтларны “Җайдак” интернет-басмасы каталогына сайлап алу принцибы бик гади – аның татарча булуы шарт. Кабатлап әйтәбез — сайт тулысынча татарча булырга тиеш. Катнаш сайтлар (берүк биттә татарча да, урысча да мәгълүмат булган ресурслар) каталогка кертелмәде.
Татар сайтлары өч төркемгә бүленә: дөньяви, җирле һәм мәктәп ресурслары. Исемнәреннән күренгәнчә, дөньяви сайтларның аудиториясе – Җир шары буйлап таралган татарлар, җирле сайтлар – шәһәр, район яки авыл халкы өчен мәгълүмат таратучы һәм мәктәп сайтлары – укучылар өчен яңалыклар чыганагы.
Һәр төркемдә популярлык рейтингы бар. Иң популяр сайт — каталогның беренче баскычында. Рейтингта катнашу өчен ресурста www.liveinternet.ru хисаплагычы урнаштырылуы һәм аңа керү ирекле булуы шарт. Рейтингта мәгълүматлар реаль режимда бирелә, алар ярты сәгать саен яңартылып тора.
Рейтингка эләкмәгән сайтлар түбәнрәк — сызык астына урнаштырылган. www.liveinternet.ru хисаплагычы куелмаган яки статистикасына керү ирекле булмаган сайтлар рейтингта катнаша алмый. Моннан тыш, доменында берьюлы ике район гәҗите урнаштырылган сайтлар да рейтингка кертелми, чөнки укучыларның кайсы сайтка керүләрен төгәл билгеләү мөмкин түгел.
Бу тема буенча материаллар: