Миллионер вафат булгач, нотариус туганнарына һәм дусларына аның васыятен укый. Иң ахырда мондый юллар: “Дустым Вәлигә васыять язганда сине дә онытмамын дип вәгъдә биргән идем. Шуңа күрә аңа кайнар сәлам тапшырам”.

***

Судья:

-Сез – аю кадәрле ир, шундый кечкенә генә, зәгыйфь кенә хатыныгызны кыйнарга ничек кулыгыз күтәрелде?

– Ул мине көне буе талады, мыскыллады, котыртты.

– Нәрсә дип?

– Әйдә, кыйна, мин синнән курыкмыйм! – дип кычкырды. – Әгәр бармак белән генә чиертсәң дә, мин сине теге чепи күзле, пеләш башлы судья янына чакырттырам, ул карт җүләр сине ә дигәнче төрмәгә аткарачак! – диде.

Судья:

– Аңлашылды. Эшне ябык дип игълан итәм!

* * *

Имтихан бирергә килгән курсант эт кебек: күзләре акыллы, ә үзе авыз ачып бер сүз әйтә алмый.

***

– Гали, – ди укытучы дәрес вакытында, – төрт әле күршеңә, уянсын.

– Ә ни өчен мин? Аның йокыга талуына сез гаепле, ләбаса!

* * *

– Менә хәзер без сезне көмешкә кайнаткан өчен хөкемгә тартабыз инде! – ди участок инспекторы, тентүдән соң.

– Ләкин бит мин көмешкә кумадым.

– Анысы әһәмиятле түгел, аппаратыгыз бар бит!

– Алайса, мине көчләгән өчен дә хөкем итегез.

– Сез кемне дә булса көчләдегезме?

– Юк, әмма аппаратым бит бар!

* * *

ГИБДД инспекторы “Волга” машинасын туктата.

Документларын тикшергәч, шоферга багажнигын ачарга куша.

– Әйдә, ачмыйбыз, шуның өчен мин сиңа илле мең сум акча бирәм.

– Юк, ач!

– Йөз мең!

– Ач.

– Биш йөз мең!

– Ач!

Шофер багажнигын ача, ә анда берни дә юк.

– Агайне, әйттем бит мин сиңа ачмыйк дип. Синең “Поле чудес”ны караганың юк, ахрысы.

* * *

Солдат – генерал булу, лейтенант — полковник, капитан — майор булу турында хыяллана.

* * *

– Cездә “Сыер мамыгы” дигән конфет бармы?

– Ахмак сүз сөйләп тормагыз!

– Нишләп ахмак сүз булсын, “Кош сөте” дигәне бар бит әле!

***

Авыл клубында эчкечелекнең зыяны турында лекция бара. Лектор сорау бирә:

– Әгәр хайван алдына бер чиләк аракы белән бер чиләк су куйсак, ул аларның кайсысын эчәр?

– Суны эчә билгеле! – дип кычкыра берсе залдан.

– Дөрес! Ә нишләп?

Шул ук тавыш:

– Хайван чөнки!

* * *

– Бер путевкага бөтен коллектив белән ял итеп буламы?

– Була. Акча җыеп, начальнигыгызга путевка сатып алсагыз.

* * *

Тимер юл кичүендә машиналардан галәмәт озын бөке хасил булган. Кычкырталар, сүгенәләр. Будкадан юл караучы чыга:

– Чыелдамагыз әле, эч пошырып. Сабыр итәргә туры киләчәк. Поезд биш сәгатькә соңга кала дип хәбәр иттеләр.

* * *

Белмисең икән – дәшмә, беләсең икән – телеңне тешлә.

***

– Улым, мәктәпне тәмамлагач врачлыкка укырсың инде…

– Син нәрсә, әти, мин бит чебенне дә үтерә алмыйм.

* * *

Чебурашка белән Гена хәрби комиссариатта:

– Гена, ә Гена, монда безнең башларны кыркырлар микән?

– Белмим, Чебурашка, әнә, тычканнан сора.

– Мин тычкан түгел, мин керпе.

***

Әни, баканың, күзлеге буламы?

– Юк, балам!

– Буада йөзеп йөрүче җан иясе безнең әби инде алайса.

* * *

Үлем түшәгендә яткан Вәли – хатынына:

– Минем соңгы васыятемне үтәрсең микән?

– Әлбәттә, бәгърем!

– Мин үлеп, ярты ел үткәч, күрше Гайнетдингә кияүгә чык.

– Ничек инде? Мин бит сезне кан дошманнар дип уйлап йөри идем.

Вәли, телен көчкә әйләндереп:

– Дөрес уйлагансың.

***

– Доктор, коткар, эчем һәм башым авырта!

Табиб шкафтан бер төймә ала да, аны урталай сындырып, авыруга суза:

– Менә, бусы – эчеңнән, бусы – башыңнан! Кара аны, бутый күрмә!

* * *

Иртәнге чәй янында ире хатынына төнлә күргән төшен сөйли:

– Мин үлеп, оҗмахка кереп барам икән. Алда бер баскыч тора. Шул баскыч төбендә бер фәрештә кулыма акбур тоттырды да, баскычның һәр басмасына дөньялыкта үзем кылган бер гөнаһым турындагы тамга ясап барырга кушты… Берничә басманы тамгалавым булды, өстән син төшеп киләсең…

– Нәрсә, мине анда кертмәгәннәр идеме әллә?

– Юк, чибәрем, син тагын бер кисәк акбур алырга дип төшеп килә идең.

***

Базарда бер әби яшь кенә сатучы егеткә:

– Әй, энем, бу куяның бигрәк кечкенә бит, аны суярга ничек кулың күтәрелде?

– Кем әйтте суйды дип? Суймадым! Ул үзе үлде…

* * *

Дәүләт Думасына депутатлыкка кандидат халык белән очрашу вакытында:

– Без бөтен кешенең дә бай булуын телибез.

– Ә фәкыйрьләрне кая куясыз?

– Фәкыйрьләр үзләре үлеп бетәчәк!