Искәндәр Гыйләҗев, тарих фәннәре докторы, профессор, Татар энциклопедиясе институты директоры:

— Татар теленең куллану даирәсен үстерүдә яңа технологияләр куллану, аларны популярлаштырып яшьләргә җиткерү — бүген иң әһәмиятле бурычларның берсе. Телебез исән калсын, үссен дисәк, беренчедән, аны иң элек үзебез сакларга тиешбез, икенчедән, бу эшне бары тик яңача, заманча ысуллар белән генә башкару аның үсешенә уңай тәэсир итә. «Җайдак» сайты бу юнәлештә матур гына эш башлап җибәрде. Ул укучының игътибарын җәлеп итә, дизайны да заманча эшләнгән, эчтәлеге дә кызыклы. Ленар Мифтаховның инициативлыгын, активлыгын дә искә алсак — «Җайдак» алдагы көннәрдә телебезне саклап калу һәм үстерү өчен тарихларда язылырлык гамәлләр башкарыр дигән өметем бар…